აღწერა და დეტალები

იყიდება პრემიუმ კლასის კერძო სახლი დიღომი 7-ში დიღომი 7-ში იყიდება თანამედროვე, ენერგოეფექტური კერძო სახლი 1200 კვ.მ მიწის ნაკვეთზე. ტერიტორია სრულად შემოღობილია ბლოკის ღობით და აღჭურვილია ავტომატური შესასვლელი კარით დისტანციური მართვის პულტით. სახლის საერთო ფართობი 300 კვ.მ-ია. აღჭურვილია პანორამული ალუმინის ფანჯრებით, ხოლო ფასადს გარედან გაკეთებული აქვს 5 სმ თბოიზოლაცია. ფანჯრები ძირითადად სამხრეთ-აღმოსავლეთისკენ არის ორიენტირებული, რაც უზრუნველყოფს მაქსიმალურ ბუნებრივ განათებას. პირველი სართული მოიცავს: ხოლს, საგარდერობოს, სტუმრის ტუალეტს, დიდ კაბინეტს, სამზარეულოს, ფართო მისაღებ ოთახს და ტექნიკურ ოთახს. ყველა ოთახს აქვს ეზოში ცალკე გასასვლელი. გათბობა სრულად უზრუნველყოფილია იატაკქვეშა სისტემით, ხოლო ტუალეტსა და საკუჭნაოში დამატებით დამონტაჟებულია პირსახოცის გამათბობელი. იატაკი მოპირკეთებულია პარკეტის ეფექტის მქონე კერამოგრანიტით. მისაღებში განთავსებულია თანამედროვე, დახურული ტიპის შეშის ბუხარი. ჭერის სიმაღლე 3.20 მ. მეორე სართული მოიცავს: ხოლს, 4 საძინებელს, 2 სველ წერტილს, გარდერობს, დიდ დახურულ აივანს და 2 ფართო ვერანდას. საერთო სააბაზანოში მოწყობილია შხაპი, ხოლო მასტერ-საძინებლის სააბაზანოში შხაპი და ჯაკუზი. ეზოში განთავსებულია ცალკე შენობა სპორტკომპლექსი, რომელიც მთლიანად მონოლითური ბეტონით არის აშენებული და იძლევა ერთი ან ორი დამატებითი სართულის დაშენების შესაძლებლობას. შენობას აქვს მინის ფასადი. სპორტდარბაზსა და აუზს შორის ტიხარი შესრულებულია გამაგრებული მინისგან. სპორტკომპლექსი სრულად აღჭურვილია: სარბენი ბილიკი, ძალოსნური ტრენაჟორები, კრივის ტომარა, კომბინირებული ტრენაჟორი, პინგ-პონგის მაგიდა. ასევე არის ტუალეტი, შხაპი, საუნისთვის განკუთვნილი ადგილი და 4x9 მ ზომის, 180 სმ სიღრმის გათბობადი აუზი ფილტრაციის სისტემით. დამატებით 30 კვ.მ ფართობის ოთახი. სახლი უზრუნველყოფილია ორი გაზის ქვაბით, ცენტრალური გაზისა და წყლის მიწოდებით, ელექტროენერგიით, კანალიზაციითა და ინტერნეტით. დამონტაჟებულია ჩაშენებული მტვერსასრუტი, კონდიციონერები, ჩაშენებული კარადები და ტექნიკა. ეზო სრულად კეთილმოწყობილია: ბოსტანი ბეტონით ამოყვანილი კვალები, სათბურისთვის მზად მსხმოიარე ბაღი 30-ზე მეტი ხეხილი (ქლიავი, ფეიხოა, ბროწეული, კომში, ალუბალი, ბალი, ზეთისხილი, კაკალი და სხვა) ვენახი დიდი სივრცე საზაფხულო სამზარეულოს, მწვადის ან ღია ბუხრისთვის გაზონი, ავტომატური სარწყავი სისტემა ყინვაგამძლე კერამოგრანიტით მოპირკეთებული ბილიკები პარკინგი 34 ავტომობილისთვის ცალკე სათავსოები ეზოში ეს არის იდეალური სახლი კომფორტული ცხოვრებისთვის, დასვენებისა და აქტიური ცხოვრების წესის მოყვარულთათვის.