Property Description

ქირავდება საოფისე ფართები, ბიზნეს ცენტრში ილიარდი . ილიარდი მდებარეობს, თბილისის ცენტრალურ უბანში - ვაკე , ყველაზე პრესტიჟულ საქმიან ზონაში, ილია ჭავჭავაძის გამზირისა და ნიკოლოზ ყიფშიძის ქუჩის კვეთაზე. ეს არის A+ კლასის ბიზნეს ცენტრი, რომლის პრემიალურობას განსაზღვრავს, მისი ადგილმდებარეობა და შენობის მახასიათებლები: მშენებლობის და უსაფრთხოების უმაღლესი სტანდარტები, ინფრასტრუქტურის, ტექნოლოგიების და კეთილმოწყობის თანამედროვე ხარისხი, ინდივიდუალური დიზაინი, პროფესიონალური მენეჯმენტი და ექსკლუზიური სერვისი. შენობის გეგმარება, ფუნქციურად არის გააზრებული და მორგებულია თანამედროვე კორპორატიულ საჭიროებებზე . ყველანაირი პირობაა შექმნილი იმისთვის , რომ მოიჯარეებმა თავი მაქსიმალურად კომფორტულად იგრძნონ, როგორც საკუთარი სამუშაო პროცესის, ასევე არაფორმალური კორპორატიული აქტივობების დაგეგმვისა და მართვისას. ნულოვან სართულზე ფუნქციონირებს 8.მ. ჭერის სიმაღლის ატმოსფერული ლობი , რომელიც მოიცავს ლაუნჯ ზონას, სარესტორნე სივრცეს და ტერასას, განკუთვნილი არაფორმალური შეხვედრებისთვის , სტუმრების მიღებისა და განტვირთვისთვის. მეორე სართულზე, უახლესი ტექნოლოგიებით აღჭურვილი საკონფერენციო დარბაზები და მყუდრო, იზოლირებული შეხვედრების ოთახებია განთავსებული. მე-17 სართული განკუთვნილია ექსკლუზიური ბიზნეს ლაუნჯისთვის. შენობაში ფუნქციონირებს ოტისის 6 სწრაფი ლიფტი. შენობა სრულად აღჭურვილია თანამედროვე ტექნოლოგიებით, რაც უზრუნველყოფს როგორც კომფორტულ, ისე ეფექტურ მართვას. გასაქირავებელი ოფისები განლაგებულია მე- 2 სართულიდან მე-16 სართულის ჩათვლით. სასურველი ფართების არჩევანი 200კვ.მ-დან 600 კვ.მ-მდე მერყეობს. მოიჯარებს სრული თავისუფლება აქვთ აირჩიონ ოფისის კონფიგურაცია და დიზაინი, მათი შეხედულებისა და ბიზნესის საოპერაციო სპეციფიკიდან გამომდინარე.